1.  Pour parvenir au mariage futur que se
2.  doibt faire et accomplir – sil plait a Dieu,
3.  nostre mere Ste eglise et la loy de Rome se accordent –
4.  entre Charle Gauldry filz dhonneste Claude Gauldry
5.  de Villeserinans et de Clauda Desvigne natifve
6.  de Toulouze (le Chateau) ses pere et mere, assisté dhonete
7.  Pierre Gauldry, d Anathoille Gauldry, Pierre Dumont,
8.  Joseph Dumont, Louthain Richard et aultres, dune
9.  part /et Chaterine Bareaux fille dhonnete Antoine
10. Bareaux d Arbois residant a la Tournel et
11. Huguete Bregand originele de C…, aussy ses
12. pere et mere, daultre part. Lequelles parties,
13. de lauctoritté de leursditz peres, assistés de leursdites
14. mere et a la participation de leursditz parens, ont
15. fait – comme elles font par ceste – entre elles
16. les traictés de convenance de mariage que sensuivent.
17. Premier, quiceulx futurs mariés ont promis se
18. prendre lun laultre a loyal mary et femme
19. le plustot que faire se poura et les constitutions
20. ecclesiastiques le leur permettront.
21. En faveur duquel futur mariage, ledit Claude
22. Gauldry et de lauctoritté dicelluy ladite Clauda
23. Desvignes presente – lauctorisant pour fere le
24. contenu cy appres – ont fait bon et riche ledit
25. Charles Gauldry leur filz futur espoux, present
26. stipulant et acceptant : de la tierce partie de
27. tous et quelconques leurs biens que leur
28. appartiendra a lheure de leur deced et
29. trespas. Les aultres deux parts estant destinés
30. pour Pierre et Claude Antoine Gauldry leurs aultres
31. filz – au cas toutesfois ils nayent aultres enfans
32. malles procréés de leurs corps en loyal mariage –
33. Auquel cas, ilz en ayent daulres : ilz ont reglé
34. et reduit ledit Charles Gauldry leur filz, bon et
35. riche pour sa…, a proportion quils
36. dellaisseront d enffantz malles et a la

1.  reserve neantmoing de doter sur le herittage
2.  de leursditz biens : Marie Francoise Gauldry
3.  leur fille, telle et semblable dotte quil ont
4.  desja donnée et constituée a Louise Gauldry
5.  femme de Richard Aubert de Neufvilley.
6.  Et encore, a la reserve de la somme de cinq
7.  cent francs quilz se reservent pour en user et
8.  disposer comme ilz jugeront et en xxxx gratiffieront lun
9.  de leurs enfans \plus que laultre,/ ou aultre personne. Et au cas touttesfois
10. ilz nen disposent, ceste somme demeurera
11. dans la masse de leursditz biens, pour leursditz enfans
12. malles.
13. Et en mesme faveur, ledit Anthoine Bareaux
14. et de lauctoritté dicelluy ladite Huguette Bregand
15. sa femme presente – lauctorizant pour tout le
16. contenu au present article – ont fait bonne et
17. riche ladite Chaterine Bareaux leur fille
18. future espouse, presente, stipulante et acceptante : de
19. la somme de trois cent francs monnoye de
20. ceste province quilz luy ont constitué en dot
21. de mariage, avec un troussel, telle que sensuit.
22. Scavoir : trois cottillon(s), un de serge de Londre gris,
23. un de de verte serge de ça.. et laultre de bleutin,
24. une camissolle de ratine rouge, tout complet,
25. trois brassieres, six linceux, six serviettes, xxx
26. quattre aulnes de nappes, une toise de lict
27. assorty de cussin, une couverture de mente (couverture de laine fabriquée à Reims),
28. un tour de lict de laine. En oultre, ses aultres
29. habitz jounallier servant a sa personne, un coffre
30. de nouhier (noyer) ferré et fermant a clef, une vache
31. mere en valleur de \trente/cinq francs.
32. Lesquelles trousselles luy seront baillés pour le
33. jour de ses futures nopces, avec une robe noir.
34. Et quant a ladite somme, ils promettent luy payer
35. en deux termes. Scavoir, la moittié qui sera
36. cent cinquante francs : le lendemain de festes des
37. futur nopces, et laultre moittié : un an en suivant

1.  Laquelle future espouse recepvant ladite doct
2.  de sesditz pere et mere, elle sera tenue et obligée
3.  en faire bonne et vaillable quittance a sesdiz pere
4.  et mere, de laucthorité de sondit mary et icelluy de
5.  lauctoritté de sondit pere sil y affide, ladite quittance
6.  munie de touttes clauses necessaires.
7.  Et ledit futur espoux – quand il aura receue
8.  ladite dicte docte de sadite femme – il sera tenu
9.  et obligé la luy assigner sur bon et suffisant
10. assignaux (titres), ou luy en achepter rente ou heritage
11. a son proffit.
12. Laquelle somme de trois cent francs – avec
13. le troussel susdit – accordée a ladite future espouse,
14. est ce pour tous droitz paternelles, maternelles,
15. droitz de legitime et suplement dicelle.
16. Sera enjouellée ladite future espouse par sondit
17. futur espoux de bons et suffisantz joyaux nuptiaux
18. pour le jour de ses futures nopces, jusques a la
19. somme de trente-trois francs – pour
20. une fois seullement – que luy demeureront pour elle
21. et les siens, luy sortant nature dimmeubles,
22. avec des croix dargent en valleur de quattre
23. escus blancs, lesquelles luy sortiront nature de
24. troussel.
25. Acquieront lesditz futeurs mariés et entreront dans
26. la communion desditz Claude Gauldry et Clauda
27. Desvignes pere et mere dudit futur espoux
28. et y participperont chascung pour une partie
29. dans le jour de leurs futures nopces, en tous
30. biens meubles et acquetz d’immeubles conptant
31. leurs societtéc conjugalles. Scavoir, lesditz pere
32. et mere pour deux partz, Pierre Gauldry
33. et Denise Aubert sa femme pour deux,
34. Claude Antoine Gauldry et Desiria Grenot
35. sa femme pour deux, et lesdits futurs mariés
36. pour deux. Que sera en tout : huit parts,

1.  les huit faissant le tout et hors dicelle,
2.  ilz acqueront par moitié et esgalle portion,
3.  nonobstant touttes dispositions de la coustume generale
4.  de ceste province a laquelle ilz ont desrogé
5.  et desrogent par ceste.
6.  Et arrivant le predeced dudit futur espoux, avant
7.  celluy de ladite future espouze, en ce cas elle
8.  aura sa demeurance et actuelle residance dans
9.  la maison de sondit futur espoux, son chauffage
10. soubz la cheminée, places aux estables pour loger
11. une couple de vache, au soulier (grenier) pour heberger
12. ses ge..s et fourage a la grange pour les battre
13. et son ouvrier (oeuvrée, ± 2 ares) de terre proche icelle pour faire
14. son jardin de chenevis, pour du tout en jouir sa
15. viduité
16. Et le surplus de son traicté de mariage
17. dont cy dessus nest fait aulcune mention, se
18. reglera et observera entre desdites parties, selon les
19. us et coustume de ceste province, gardés et
20. observés entre gens de bien que sont les parties
21. contrahantes. Lesquelles parties ont promis
22. dehue, legitime stipulation et aceptation de part et
23. daultre avoir, tenir le contenu au present traicté de
24. mariage pour agreable, ferme, stable, sans
25. y contrevenir en facon quelconque, a peine
26. dinterests et despens. Aulx fins de quoy et
27. pour lentier accomplissement de tout ce que
28. dessus, ilz ont submis et obligés toutz et singuliers
29. ses biens presens et advenir, soubz le privilege
30. du seel de sa majesté. Renonceant a touttes
31. exceptions contraires, mesme au droit disant que que
32. generale renonciation ne vault si lespeciale
33. ne precede. Faict et passé au lieu de xxxx
34. la Tournelle, par devant Claude Janneau
35. dudit Montholier notaire, avant midy, du
36. seiziesme jour du mois de decembre mil six

1.  cent quattre vingt, en presence de maître Jean
2.  Brenot d Aulmont mareschal, de Jean Boudot
3.  dudit Aulmont residant a Rousiers, tesmoins requis.
4.  Ladite future espouse estant illiterée, enquise.
            Signatures