1. Pour parvenir au mariage que se fera et
2. accomplira - conformement aux constitutions
3. ecclesiastique et loy romaine - entre Nicolas
4. Dougnier de Bresnans, vefve de feue Clauda
5. Maistre, assisté de Claude Maistre et Jean
6. Francois Maistre dudit Bresnans ses
7. beau freres / et de Claude Louise Foyet fille de
8. feu Desiré Foyet et Clauda Richard d’Aulmont
9. ses pere et mere, assistée de Andrey Messager
10. de Montholier son beau pere, Claude Richard
11. s…. dudit Aulmont son oncle maternelle,
12. Denis Messager son beau frere et aultres
13. leurs parentz , daultre part. Lesquelles
14. parties, des advis et conseille des avant
15. nommés, ont faict - comme elles font par
16. ceste, entre elles - les traictés et convenances
17. de mariage que sensuivent.
18. Premierement, quiceux futeurs mariés ont
19. promis se prendre lun laultre, a loyal mary
20. et femme, le plustot que faire
21. se pourra et le temps le permectra.
22. En faveur duquel futur mariage, ledit
23. Nicolas Dougnier futur espoux, cest(e)
24. faict bon et riche de tous et quelconques
25. ses biens - de tel nature et espece
26. qu’ils puissent estre - quil promet mettre
27. et conferer dans la communion de
28. sadite future espouse.
29. Et en mesme faveur, ladite Claude Louise
30. Foyet future espouse ceste aussy faicte
31. bonne et riche de tous les biens
32. a elle delaissés par sesdits furent
33. pere et mere, pour telle part et

1. et portion qu’elle a heu en partage
2. avec ses soeurs. Speciallement de la
3. somme de deux cent que luy sont dehu
4. par ledit Andrey Messager son beau pere
5. \et Denis Messager son beau frere/
6. cy presens , quy la ainsy accepté, tant
7. pour argent de prest que pour ses
8. gages et sallaires qu’elle auroit servi
9. ledit Messager sondit beau pere par plusieurs
10. années, par compte faict entre lesdites parties
11. a raison de quoy elle demande aussy quitter
12. et ce liberer envers sondit beau pere de toutes
13. les pensions et nouriture et entretien que
14. ledit Messager luy auroit fourny pendant ses
15. jeunes ans.. Laquelle somme de deux
16. cent francs, ledit Messager la promis
17. payer et delivrer a ladite Foyet future
18. espouse, en quattre termes. Scavoir, cinquante
19. francs : deans un an prochain, a le compter
20. dudit ce jourdhuy date des presentes. Cinquante
21. francs deans un aultre an , aussy en
22. suivant. Et les aultres cent francs, ausssy
23. deans deux aultres années en suivantes
24. que seront aussy cinquante francs par année.
25. Plus, de la somme de cent
26. francs pour le capital dune rente de principal
27. desdits cent francs a elle dehus par
28. Claude Richard d’Aulmont le jeusne.
29. Item, de six cottillon, complet de
30. diverse couleur, deux brassier, une
31. camissole de ratine rouge, quattre
32. linceux, une taye assortie de coussin,
33. une couverte en valleur de neufz
34. francs, un tour de Bergame.

1. En oultre, ses aultres habitz journallier
2. servant a sa personne, un coffre de
3. nouhier ferré et fermant a clefz
4. quelle promet le tout mettre et conferer
5. dans la communion de sondit futur espoux.
6. Lequel recepvant quelque somme
7. dargent de sadite future espouze , il sera
8. tenu et obligé la luy assigner sur sur bons
9. et susfisants assignaux ou luy en achepter
10. rente ou heritage a son prosfit.
11. Sera enjoullée ladite future espouse
12. par sondit futur espoux, pour le jour de
13. ses futures nopces, pour une fois seullement,
14. jusques a la somme de : cents francs,
15. tant pour joyaux que douhaire que
16. luy demeureront pour elle et les siens,
17. luy sortant nature dimmeubles.
18. Acqueront lesditzs futurs mariés en
19. tous biens meubles et acquestz dimmeubles,
20. dès le jour de leurs futures nopces,
21. a ladvenir par moittié et esgalle
22. portion, pendant et constant leur
23. societté conjugalle, nonobstant la
24. coustume generale de ceste province,
25. a laquelle lesdites parties ont desrogé
26. et desrogent pour ceste.
27. Et en cas de predeced dudit futur
28. espoux - lespouse survivante - en ce
29. cas, elle aura sa demeurance et
30. actuelle residance dans la maison

1. de sondit futur espoux, son chauffage
2. soubz la cheminée , place aux estables
3. pour loger un couple de vache,
4. au soullier pour haberger ses greines
5. et fourage a la grange pour les bestes
6. et de deux (emines?) de terre proche icelle,
7. pour faire son jardin et chenevier.
8. Pour du tout en jouir pendant sa
9. viduitté, seullement.
10. Et le surplus du present traicté de
11. mariage dont ci dessus n’est faict
12. aulcune mention, se reglera et
13. observera entre lesdites parties, selon les
14. uz et coustumes de ceste province,
15. gardés et observés entre gens , telles que
16. sont les parties contrahantes. Lesquelles
17. ont promis - dehue, legitime stipulation
18. sur ce intervenue - avoir tout le contenu
19. cy dessus, pour agreable, ferme,
20. stable, sans y contrevenir de facon
21. quelconque, a peine dinterestz et despens.
22. Ainsy le tout convenu, stipulé et
23. accordé entre lesdites parties. Lesquelles
24. ont, pour lentier accomplissement
25. de tout ce que dessus, ont submis et
26. obligés tous et singuliers leurs biens
27. presens et futeurs, soubz le privilege
28. du seel de sa majesté. Renonceant
29. a toute exception contraire, mesme
30. au droict disant que generale

1. renonciation ne vaut , si lespeciale
2. ne precede. Faict et passé au lieu
3. de Montholier, en la maison dudit
4. Messager, par devant Claude Janneau
5. dudit lieu notaire , appres midy du
6. trentiesme jour du mois de janvier
7. de lan mil six cent nonante et
8. un, en presence d’Estienne Sebastien
9. et Denis Janneau dudit Monthelier,
10. tesmoingz requis. Lesdites parties et
11. la pluspart desditz parentz estant
12. illiterés, enquis. En presence desquelles
13. ladite future espouse a declaré encore,
14. avoir riere elle : une grappe dargent,
15. une croix, une espingle aussy
16. dargent , le tout en valleur de
17. sept francs et demy. Plus un
18. habillement de toille coutton.
Signatures