1634
Grosse
1. Traictant le mariage qui se ferat et accomplirat si Dieu
2. plaict, nostre mere sainte eglise et la loy de Rome si accordent
3. entre Denis Bourgeois filz d’honorable Anthoine Bourgeois de Colonne, bourrelier,
4. et de Margueritte Petit, ses père et mere d’une part, et de Anne
5. Courtois fille et de l’aucthoritté de Désiré Courtois dict Braisnans
6. et de Friaqua Gauldry d’Oussieres, ses pere et mere d’autre part,
7. lesquelles parties par l’advis, voulloir et consentement de
8. plusieurs leurs parentz et alliez cy assemblez et congregez
9. par emsemble, ont promis eulx prendre a leal mary et femme,
10. le plus tost que faire se pourrat et l’opportunitté du temps
11. l’aurat en faveur et comtemplation duquel futeur mariage,
12. ledit Anthoime Bourgeois, et de son aucthoritté, ladite Margueritte
13. Petit sa femme ont, l’aucthrisant et licenciant pour le
14. contenu cy appres, de la teneur, ont faict bon et riche ledit Denis
15. Bourgeois leurs filz de la tierce partie de tous et singuliers les
16. biens que audit Anthoinne Bourgeois demeureront appres son
17. deces et trespas et ladite Petit de tous et singuliers ceulx
18. que luy demeurerant appres aussy appres sondit deces et trespas,
19. se reservant lesdits pere et mere, le pouvoir de dotter a leur
20. volonté, Catherine Bourgeois leur fille, et icelluy Anthoime
21. Bourgeois, encore le pouvoir de dotter sur ses biens,
22. Clauda Bourgeois, ledit Anthoime Bourgeois a accordé
23. la somme de soixante franc avec son troussel, une vache,
24. aultres choses ordinaires. En mesme faveur ledit Desire Courtois
25. et ladite Friaqua Gauldry, de l’aucthorité dudit dessus
26. mary present, l’aucthorisant et licenciant pour le contenu
27. au present traicté, ont fait bonne et riche Anne Courtois
28. leur fille, de la somme de deux cent franc qu’est
29. pour les biens paternelz, huict vingt franc et quarente
30. franc pour les biens maternelz avec le ung demy
31. cein d’argent jusques a la valleur de vingt franc
32. monoye, une vache mere jusques a la valleur de dix huict
33. franc, ung coffre de chesne ferré fermant a clefz,
34. douze linceux, douze aulnes de nappes, douse serviettes,
35. une robe de brenette, trois goudot, ung de coulleur de roy,
36. ung de viollet et ung de bleufz, trois courssets, ung de
37. coulleur de roy, ung de viollet et ung de blanc, ung
38. lict de plume assorti de cussin, d’ung lodier, custodes et
39. assortissement dudit lict, le tout serat delivrée
40. a ladite Anne future espouse pour le jour de ses futures